Үөдэйтэн үчүгэйи олох билбэппин.Уйгууна Самсонова, 7 кылаас, Хаҥалас Үөдэйэ

Үөдэйтэн үчүгэйи олох билбэппин

Өлүөнэ өрүс устун айаннаан истэҕим,

Ойуулаах хайалары тохтоон көрдөҕүм,

Үөһэ халлааҥҥа элиэлэр көтөллөр

Хойуу тыаҕа кэҕэ этэрэ иһиллэр.

Хайа үрдүгэр мин таҕыстым,

Онно көрөөт уҥа сыстым

Бу кыраһыабай кэрэ дойдуну,

Баай айылҕалаах, сүүруктээх үрэхтээх,

Дыргыл сыттаах дьэдьэннээх,

Көмүс хатырыктаах балыктар

Дьэҥкир ууга оонньууллар,

Түргэн күүстээх сылгылар

Хонуу устун сүүрэллэр,

Дьоннор манна эйэлээхтэр

Бары бииргэ сылдьаллар,

Бары бииргэ дойдуларын

Харыстаан таптыыллар,

Үөдэй мөкүтүн истибэппин,

Үөдэйтэн үчүгэйи олох билбэппин.

Уйгууна Самсонова, 7 кылаас, Хаҥалас Үөдэйэ