Владимировтар дьиэ кэргэттэрэ

Владимировтар дьиэ кэргэттэрэ

 

Уон таайдаахпыттан киэн туттабын. Мин бу суруйуубун уон таайдарбар аныыбын.

Таайдарын кун-кубэй ийэлэрэ уонна амарах а5алара мин тапталлаах эбэм, убаастыыр эhэм буолар. Кинилэр тустарынан ахтан аhара туhуом.

Эбэм Ольга Михайловна Владимирова – герой ийэ. Кини уон биир о5ону барыларын уорэхтээн, атахтарыгар туруоран, дьоhун улэhит онортоото. Эбэм барахсан билигин да барабытыгар куус-комо утуо субэhит буола сылдьар. Онтон эhэм Вячеслав Ильич байанайдаах булчут этэ. Сааhын тухары сылгыhыттаабыта. Сурдээх боростуой, холку, онорбутун барытын тиhэ5эр тиэрдэр майгылаа5а. Ийэм кэпсииринэн, Баай байанай тугу эбит бэристэ5инэ, эhэм дьонун-сэргэтин матарбакка, барыларын кытта тэннэ уллэстэр эбит. Ол иhин, олохтоохтор кун бугунну диэри кинини ыраастык, сырдыктык саныыллар уонна миэхэ эhэм туhунан элбэх учугэйи кэпсииллэр. Эбэлээх, эhэм барахсаттар биир кыыhы , уон уолу иэримэ дьиэлэриттэн коччох гына котуппэтэхтэрэ. Хомойуох иhин, эhэм ыалдьан бу олохтон курэммитэ. Эhэбит олоругэр улахан таайым уорэнэ сылдьара, онтон кыра таайым 3 саастаах этэ.

Улахан таайым Леонид Вячеславович туhунан кэпсиир буолахха, кини оскуоланы бутэрэн баран, Иркутскайдаа5ы авиационнай институтка ситиhиилээхтик туттарсан киирбитэ. Уорэ5ин бутэрэн, Мирнэй куоракка улэлии анаммыта. Быйыл таайым 26 сыл энкилэ суох улэтэ урдуктук сыаналанан «Саха Республикатын авиациятын туйгуна» диэн албан ааты ылбыта. Кини  алмаастаах Мирнэй куоракка бэйэтин сурэ5ин анарын булан, дьиэ-уот тэринэн олорбуттара. Номнуо 25 сылын туолар. Кыыстара Ольга Новосибирскайдаа5ы медицинскэй академия5а уорэнэр. Уоллара Вова ытык иэhин толоро сылдьар.

            Иккис таайым Альберт Вячеславович, а5атын туйа5ын хатаран, совхозка сылгыhыттаабыта. Кэргэнтнээн Любовь Дмитривналыын 5 о5олоохтор, онтон иккитэ игирэлэр. Таайым о5олоро этэннэ уорэнэ сылдьаллар.

            Уhус таайым Илья Вячеславович Уссурийскайдаа5ы тыа хаhаайыстыбатын институтун бутэрэн, инженермилиоратор идэтин ылан, билигин кэргэнинээн Александра Николаевналыын МэнэХаналач балыктаа5ар 5 о5ону торотон бырбааччы олороллор. Улахан уоллар ЯГСХА студена, уоннаа5ылара оскуола, детсад о5олоро.

            Тордус тапталлаах таайым Вячеслав Вячеславович оскуола5а улэлиир. Кэргэнинээн Сунтаартан торуттээх Анжелика Владимировналыын 3 уоллаах. Утуо-мааны ыал буолан, олорбуттара уонтан тахса сыл буолла. Улахан уоллар Октомноо5у техническай лицейга ситиhиилээхтик уорэнэ сылдьар.

            Бэhис таайым Иннокентий Вячеславович физкультура учуутала, кэргэнинээн Гея Николаевналыын 3 о5ону корон, улаатыннаран сылдьаллар.

            Алтыс таайым Ион Вячеславович ветврач уорэхтээх. Ыраах Аллайыаха улууhуттан илдьэ кэлбит сурэ5ин анара – Лира дмитриевналыын 2 о5олоохтор. Улахан уоллара ытык иэhин толоро сылдьар.

            Сэттис таайым Виссарион Вячеславович, олохтоох ЖКХ-5а кочегар.

            Тохсус таайым Георгий Вячеславович кэргэнинээн МэнэХаналас Балыктаа5ар 2 о5ону торотон, эдэр ыал буолан, бурбуруо таhааран уоллаах, кыыс  о5олонон олороллор.

            Онус таайым Андрей Вячеславович Алмаастаах Мирнэй куоракка аналын булунан, кырачаан уол о5ону торотон, ньирбааччы ыал буоллулар. Таайым «Алроса» компания5а электригынан урдук таhаарыылаахтык, улэлии-хамсыы сылдьар.

            Онтон бу улахан дьиэ кэргэннэ со5отох кыыс мин ийэм буолар. Капитонова Любовь Вячеславовна, директоры уорэх чааhыгар солбуйааччы.

А5ам – Константин Семенович айыл5аттан булчут. Быраатым Исай 10 кылааска уорэнэр.

Мин уон таайдаахпынан киэн туттабын. Таайдарым бары улэhит туру дьоннор, эрэллэх ыал а5алара.

 

 

                                               Виктория Капитонова

                                                  ЯГУ, юридическай факультет студенката

Добавить комментарий

Ваш адрес email не будет опубликован. Обязательные поля помечены *